د جمهوري ریاست د چارو لوی ریاست د مقام د ریاست د دفتر او ټولو اثر لاندې ادارو د ټولو چارو مدیریت؛ په ځانګړي ډول دا ډاډ ترلاسه کول، چې په دې اداره او دولتي ارګانونو کې ټولې دفتري چارې د قوانینو او موضوعه اصولو مطابق پرخپل ټاکلي وخت له ځنډ پرته په سمه توګه ترسره کیږي او مخته ځي.
دندې:
- د افغانستان اسلامي جمهوریت د عالي مقام د ریاست د احکامو او فرامینو ترتیب او ثبت( په خاصو حالاتو کې، د احکامو او فرامینو ترتیب د چارو ادارې د ریاست د دفتر د مقام له لورې ترسره کیږي) ؛
- د لازمو هدایاتو د ترلاسه کولو لپاره د جمهوري ریاست عالي مقام ته د یاداشتونو برابرول او وړاندې( د ادارې د مقام د لزوم دید له مخې) ؛
- د جمهوري ریاست د عالي مقام د احکامو او هدایاتو برابرول، ثبت او تعقیب او د چارو ادارې لوی ریاست ته یې راپور وړاندې کول؛
- د جمهوري ریاست د چارو ادارې د لوی رئیس احکامو او هدایاتو برابرول، ثبت، ابلاغ او تعقیب؛
- د چارو ادارې د لوی ریاست د اثر لاندې ادارو د یاداشتونو ترلاسه کول، په ډیټابیس کې یې ثبتول او د عالي مقام سکرتریت ته د هدایاتو د اخیستو لپاره لیږل؛
- د جمهوري ریاست د چارو ادارې د لوی ریاست له مرستیالانو سره د کاري اړیکې تامینول؛
- د وزارتونو او دولتي ادارې له رهبرۍ پلاوي سره د جمهوري ریاست د چارو ادارې د لوی ریاست د مقام د لازمې همغږۍ رامنځته کول؛
- د جمهوري ریاست د چارو ادارې د لوی ریاست مقام ته د معاونیتونو او اړوندو ریاستونو د کارونو راپور ورکول؛
- د افغانستان د اسلامي جمهوریت د کابینې د مصوباتو له مخې، د چارو ادارې لوی ریاست ته د سپارل شویو دندو تعقیب، د اجراأتو د راپور توحید او د چارو ادارې د لوی ریاست مقام ته وړاندې کول؛
- ټولو دولتي ادارو ته د جمهوري ریاست د چارو ادارې د لوی ریاست د رسمي مراسلاتو په برخه کې د لازمو اسانتیاوو تامینول؛
- د عالي مقام او ادارې د مقام د هدایاتو له مخې، د ښې حکومتولۍ د اصل د تحقق لپاره د متحد الماله لیکونو استول؛
- د جمهوري ریاست د چارو ادارې لوی ریاست ته د ټولو وارده او صادره اسنادو الکترونیکي ثبت او راجسټر له مهر او ټاکلې نېټې سره؛
- د چارو ادارې معاونیتونو او ریاستونو ته د وارده اسنادو د اجرأتو د څرنګوالي څارل او د پایلو اصدار له مشخص مهر سره اړوندو ادارو( وزارتونو/ ادارو) ته؛
- د وارده او صادره اسنادو کنټرول، تفکیک او استقامت ورکول، د ضمایمو، عنوانونو او لاسلیکونو په ترلاسه کیدو ډاډمنیدل، د عاجلو، محرمو او عادي اسنادو ډلبندي او د لازمو اجرأتو لپاره اړوندو ادارو ته لیږل؛
- په اړوند ډیټابیس کې پر خپل وخت د احکامو او فرامینو ثبت او راجسټر؛
- د چارو ادارې د رهبرۍ د غونډو او اجنډا برابرول، اړوندو ادارو ته یې د پریکړو استول او د تحقق د څرنګوالي څارنه؛
- د جمهوري ریاست د چارو ادارې لوی رئیس ته د په اداري او تخنیکي برخو کې د لازمو اسانتیاوو برابرول؛
- د هېوادوالو د عریضو او شکایتونو د ثبت او په اړه یې د اجرأتو لپاره د لازمو اسانتیاوو برابرول او د لزوم دید پر مهال د چارو ادارې له لوی رئیس سره د هغوی د لیدنې برابرول؛
- د چارو ادارې د لوی ریاست له مقام سره د لوړ رتبه دولتي کارکوونکو او سیمه ییزو مشرانو د لیدنو تنظیم؛
- د اړوندو ادارو د کاري پلانونو او اجرأتو را ټولونه، توحید او د چارو ادارې د لوی ریاست مقام ته وړاندې کول؛
- د اړوندو ادارو د کاري پلانونو له مخې د چارو ادارې د لوی ریاست د کاري پلان برابرول؛
- د ذات البیني ستونزو په اړه یې د بین الادارتي غونډو تنظیمول؛
- د اسنادو، وړاندیزونو او عریضو په اړه د چارو ادارې د لوی ریاست مقام ته د تحلیلي یاداشتونو برابرول، وړاندې کول او په اړه یې هدایت ترلاسه کول؛
- د چارو ادارې د لوی رئیس د شفاهي هدایاتو د تحقق لپاره له ټولو دولتي او نادولتي ادارو، اغېزناکو څېرو، قومي مشرانو او حکمي او حقیقي شخصیتونو سره د تفاهم او همغږۍ د فضا رامنځته کول .
-